Ministeriuneq tusaasuuisoq

Tuluit Nunaanni ministeriuneq Gordon Brown taama piniarnani kukkuluttorpoq. Qinisartumi ilaat arnaq 65-inik ukiulik uungaannaq isigineqarlugu oqarami, jakkimini mikrofooni piissallugu puigorsimavaa.

Europap kangianinngaanniit nunasisut pillugit apeqqutit akisariallit arlallit taassuma apeqqutigereeraalu. Arnamik taassuminnga nikassaalluni oqaloqateqarnerata kingorna tamanna tamanut saqqummiunneqarpoq, tassami Brownip jakkimini mikrofoni piissallugu puigorsimammagu. Tuluit Nunaanni aningaasaqarniarneq pillugu partiit siuttui unnugu tv-kkut oqallitsinneqassapput, Brownilli kukkuluttornera kikkut tamarmik oqallisigalugu.

- Gordon Brown tassaaginnarpoq ajortitsiniaasoq, tamatumanimi kukkuluttorneq annikitsuinnaanngimmat, inuimmi arlallit takusinnaasaattut tamanna sorpassuarnik ajutoortitsisinnaavoq, ingammillu maajip arfernganni qinersinissaq qanilliartortillugu, tassa ajutoorneq imaannaanngitsoq, Gordon Brownimuinnaanngitsoq, aammattaarli partiimut Labourimut, immaqalu ulorianartumik ikiligaasumut, Mette Fugl oqarpoq.

Qanormi angut taamaattoq tatigineqarsinnaava qinersisartuminut qungujulalluni aalaterilluni suaartariarluni taakkualu naapinnerat nuannaarutigalugu, saniatigullu qinersisartuminik taannaassumik tusaaneqanngitsoraluni nikassaasoq?

Tamanna partiit tv-kkut apeqqarissaarfigineqarnissaanni qanoq kinguneqassanersoq Mette Fugl aperineqarami oqarpoq:

- Pilersaarutaagaluarpoq aallakaatitsinissaq taanna Browinip saqqumilaarnermini uteqqinnerissagaa, tassami aningaasarsiornermi nukittuutut inissisimagami ileqqaarniutillu pineqartussanngussammata, taamatullu oqalunnissaa manna tikillugu pinngitsoorneqarluni, maanimi Tuluit Nunaanni qineqqusaarnermi sammisassat nuanniitsut sammineqarput, soorlu ileqqaarniuteqarnissamut pilersaarutit nuanninngitsorujussuit.

Gordon Brown tassaavoq isumasiuinerni samani inissisimalersimasoq, tamanna qinersinissami aalajangiisuussanersoq Mette Fugl aperineqarami akivoq:

- Tamanna angutip nakkaqqajaasup ajanneqarneranik kinguneqarsinnaavoq. Fru Gillian Duffy utoqqalinersialik iffiorfimmukartorlu immaqalu nalaatsornerinnarmik Gordon Brownimik naapitsisoq kingornalu nikassarneqartoq, taannaasinnaavoq arnaq Labourimik aseruisoq. Qinersisartut Tuluit Nunaanni politikerinit pimoorunneqannginnertik uppernarseqqippaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat