Assi: Scanpix

Ministeriuneq: Skattestyrelsenimi qaartitsineq piaarineruvoq

Østerbromi qaartitsineq peqqarniisaarniarnerunersoq nalilissallugu suli siusippallaarpoq Mette Frederiksen oqarpoq.

Ministeriuneq Mette Frederiksen (S) Statsministeriami pingasunngornermi tusagassiortunik ataatsimiititsinermi oqarpoq marlunngormat unnukkut Skattestyrelsenimi (Akileraartarnermut Aqutsisoqarfimmi) qaartitsineq “piaaraluneernerusoq”.

- Qaartoq Skattestyrelsenimut qanittuaranngorlugu ilineqarsimavoq, taamalu piaarinerulluni, oqarpoq.

- Nukappiarapiluusaarnertut imaluunniit nalaatsornertut isiginngilluinnarparput. Qaartitsineq qimuttuitsut qanittumukartaartit unittarfiannut qanittumi aqqusinerlu inoqarluartillugu pivoq, taamaattumik ilungersunarluinnartutut isigaarput. Qaartitsisoqarneratigut Skattestyrelsenip Østbanegademi illuata saqqaani igalaat aseruatiterneqarput isertarfialu aserorluinnarneqarluni.

Mette Frederiksen isumaqarpoq qaartitsineq peqqarniisaarniarnerunersoq nalilissallugu suli siusippallaartoq.

- Peqqutaasoq sunaanersoq naluarput. Politiit missuipput. Østerbromi sumit eqqorneqarsimanerluta suli inernilersinnaanngilara, kisianni ilungersunarluinnartuuvoq, ministeriuneq oqarpoq.  

Ajoqusertoqanngilaq

Østerbromi qaartoqarnerata kingornatigut politiit akileraaruteqarnermut oqartussat isumannaallisaaffigineqarnerat annertusisippaat.

- Østerbromi najugaqartunut Skattestyrelsenimilu sulisunut annertuumik annilaarnartuuvoq. Ajortumeerujussuartoqarsinnaagaluarpoq, iluatsitserujussuarneruvorlu annertuumik ajoqusertoqanngimmat, Mette Frederiksen oqarpoq.

Inuit marluk illup iluaniipput, ajoqusernatilli. Akerlianillli inuk ataaseq Nordhavnimi qimuttuitsut unittarfiata eqqaani silamiittoq aseqqualunnit eqqorneqarpoq pinerlisimasunillu passussisarfimmukarsimalluni.

Københavns Politi-mi chefpolitiinspektøri Jørgen Bergen Skov tusagassiortunik ataatsimiititsinermi pingasunngornermi ullaap tungaa taama oqarpoq.  

Politiit qaartitsineq saassussinertut isigaat.

Inatsisinik atuutsitsinermut ministeri Nick Hækkerup (S) allakkamini oqaaseqarpoq aqutsisoqarfimmi sulisunut illoqarfiullu ilaani tassani najugartunut qaartitsineq toqqissisimannginnermik kinguneqarsinnaammat paasisinnaalluarlugu.

- Politiit teknikkikkullu immikkut ilisimasallit pimoorullugu takussutissat tamaasa massakkut misissorpaat, saassussinerup suna tunngavigineraa paasisinnaajumallugu, taamalu pinerluttut akisussaatissinnaanisassagatsigit, oqarpoq.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat