Ministeriuneq: Namminersornerup 2009-mi eqqunnissaa siunnerfigaarput

Namminersornermik aaqqissuussinerup 2009-mi juunip 21-anni kalaallit inuiattut ullorsiornerannut atatillugu eqqunneqarnissaa siunnerfigaarput. Tamanna ataatsimut oqaluttuarisaanitsinni pingaaruteqartussaavoq. Ministeriuneq Anders Fogh Rasmussen ammaanersiornermi oqalugiaammini ilaatigut taama oqarpoq.
Allattoq Louise M. Kleemann
oktobarip 07-at 2008 10:24

Folketingi ullumikkut ammarnersiorneqarpoq. Ministeriunerup Anders Fogh Rasmussenip ammaanersiornermi oqalugiaammini kalaallit namminersulerniarnerat iserfigaa.

- Kalaallit Nunaata, Savalimmiut Danmarkillu naalagaaffeqatigiinnerisa, nunavut pingasuusut, kiffaanngissuseqarnerup ataatsimoornerullu aqqani ataatsimuulersippai.

Tamanna anersaaralugu naalagaaffeqatigiinneq nutartertuarparput.

Nunanut allanut tunngatillugu Savalimmiormiut kalaallillu soqutigisaminnik ingerlatsisinnaanissaat annertusarnikuuarput.

Kalaallit Nunaannut tunngatillugu namminersornermik aaqqissuussiniarpugut. Kalaallit Nunaata namminersornini nammineerluni ineriartortissavaa, naalagaaffiullu isumagisaraluinik tigusinerminut atatillugu aningaasartuutit nammineerluni nammassallugit.

Naalagaaffeqatigiinnerup nutarterneqartuarnissaa pillugu Savalimmiut aamma Kalaallit Nunaata suleqatiginissaat neriulluarfigaara.

Naalagaaffeqatigiinnerup ineriartortinneqarnerani, nunagisatta pingasuusut akornanni naligiinneq aamma inuiaat imminnut oqartussaaffiginerat tunngavigineqassapput, Anders Fogh Rasmussen oqarpoq.

Folketingip ammarnersiorneqarneranit unnugu Radioaviisimi tusagaqasaagut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq