Ministerit arnat marluk tunuarput

Danmarkimi ministerit akornanni ulluni makkkunani oqallisigineqarnerpaasoq, nunasisunut ministeri Birthe Rønn Hornbech ministeritut tunuarpoq. Aamma atuarnermut ilinniartitaanermullu ministeri tunuarluni nalunaarpoq.
Allattoq Jaaku Lyberth
marsip 08-at 2011 07:38

Birthe Rønn Hornbechip ministeritut tunuarneranut pissutaavoq, palæstiinamiut Danmarkimi innuttaassuseqarsinnaanerannut nalunaarut ministeriunermut tunniuteqqammeramiuk, tassani pineqarlutik palæstinamiut inuusuttut Danmarkimi innuttaassuseqarsinnaanerannut pisinnaatitaaffeqarnerat.

Palæstinamiut ukiuni arlalinngortuni danskisut innutaassuseqalersinnaanerat periarfissaasimavoq, kukkusoqarneratigulli itigartinneqartarsimallutik.

Birthe Rønn Hornbechip ministeriuffigisaa ineriariartortitsinermut ministerimit Søren Pindimit akisussaaffigineqassaaq. Ilageeqarnermut ministeqarfik Per Stig Møllerimit akisusaaffigineqassaaq.

Birthe Rønn Hornbech danskit ministeriini ullumi tunuartuni kisimiinngilaq. Atuartitaanermut ilinniartiaanermullu ministeri Tina Nedergaard ministeritut tunuarluni aammma nalunaarpoq. taanna Troels Lund Poulsenimit taarserneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq