Ministerip tullersortaa aallarukkaat
Angutit aallaasilisartut biilit arfineq-marluk atorlugit Baghdadimi inunnik ullumi aallarussisimapput.
Irakip innaallagiaqarnissaannut ministerip tullersortaa taassumallu sakkutuui paarsisut 19-it aallarunneqarsimapput, politiit aamma naalagaaffimmi pissutsinut ministereqarfik ilisimatitsivoq.
Baghdadimi politiit naapertorlugit ministerip biilii Baghdadimi illoqarfiup immikkoortortaani Sadr-mi muslimit shiasiortut najugaqarfianni ingerlaartillutik aallaasilisartunit unitsinneqarsimasut aallarunneqarlutillu.
Nutaarsiassaqartitsivik Ritzau naapertorlugu pisoq pillugu paasissutissat annertunerusut pineqarsinnaasimanngillat.