- Soorunami Mærskip suliffeqarfittut allatulli inatsisit malittussaavai, Politikenimilu allaaserisat ilumoorpata, tamanna suliffeqarfimmut kinguneqartinneqassaaq, Karen Ellemann Politikenimut ullumi oqarpoq.
Mærskip nammineq Avatangiisinut Aqutsisoqarfimmut nassuiaasiaa, ministerip maanna utaqqiinnarpaa. Avatangiisinulli ministerip suliaq politiinut suliassiissutigineqassanersoq, suli oqaaseqarfigiumanngikkallarpaa.
Akerlianilli Mærskip uuliasiorfiini arlaannaannulluunniit attuumassuteqanngitsunik Mærskip akiligaanik misissuisoqarsinnaanera itigartitsissutiginngilaa.
- Maanna nassuiaat qanoq imaqarnersoq takoqqaariartigu, imaassinnaavormi Mærskip imminut misissuiffigisarnera misissuiffigineqartariaqartoq.
Pilersaarutit malillugit Mærskip nammineq nassuiaataa ukiup nutaap aallartinnerani piareersimassaaq.