Ministerinngortussat dronningimut ilisaritinneqarput

Taakku tassaapput aningaasaqarnermut ministeritut toqqarneqartoq, Claus Hjort Frederiksen, taamaalillunilu suliffissaqartitsinermut ministeriujunnaartoq.

Venstrep politikkikkut oqaaseqartartua, Inger Støjberg, suliffissaqartitsinermut ministeritut toqqagaavoq, naligiissitaanissamullu politikki aamma akisussaaffigilissallugu. Karen Ellemannip Karen Jespersen kingoraarpaa, ministereqarfik nutaavik akisussaaffigilissallugu, tassa naalagaaffimmi pissutsinut ministeriullunilu isumaginninnermut ministeriussagami. Statsministereqarfimmiit tamakku ilisimatitsitsissutigineqarput.

Atugarissaarnermut naligiissitaanissamullu ministeri, Karen Jespersen, ministeritut tunuarusulluni tallimanngormat nalunaartoq, uagut nalunaaqutarput malillugu nalunaaquttap akunnerata affaa qaangiuppat, tassa arfineq-pingasut qeqqanut inuulluaqquneqassaaq.