Ministeri: "meeqqerivinni mamakujuttut inerteqqutaalerlik !"
Allattoq Jaaku Lyberth
februaarip 24-at 2007 13:29
Qallunaat nunanni meeqqerivinni meeraaqqerivinnilu mamakujuit tungusunnitsullu inerteqqutitaatinniarneqalerput. Ilaqutariinnermut naalakkersuisoq Carina Christensen meeqqerivinni mamakujuttutortarnerup inerteqqutaalersitsiniaanera immikkut ilisimasalinnit tapersersorneqarpoq.
Mamakujuttut kaagillu meeqqerivinni meeraaqqivinnilu nerineqartarunnaartariaqarput, ministeri aviisimut Fyn Stifttidende-mut oqarsimavoq.
Meeqqat nakorsaat Vibeke Manniche ukiorpassuarni meeqqanik sullissisarsimasoq, taamatullu oqimaapaallaartunik, isumaqarpoq, ministerip isummernera ajunngilluinartoq , kaammattuineralu inatsisiliortitsinissamut sangutinneqarsinnaasoq, ulluinnarni meeqqat pisortat isumagineqarfiini peqqussumik inuuneqalissagaluarmata.
