Minik Rosing Rungstedlundsprisimik nersornaaserneqalersoq
Ulloq Rungstedlundsprisimik nersornaasiinermik malunnartinneqassaaq, kalaalerlu ujarassiooq, Minik Rosing ukioq manna nersornaaserneqassaaq.
Rungstedlundfondenimit nersornaat 50.000 koruuninik aningaasartaqartoq immikkulaaq ittup Karen Blixenip sammingaatsiartagaasa assipajaavanik sammisaqartumut tassa pinngortitamik silallu pissusianik suliaqartumut, Minik Rosingimut tunniunneqassaaq.
AAMMA ATUARUK Minik Rosing ataqqinaammik nersornaaserneqartoq
Minik Rosing Geologisk Museumimi pisortaavoq, Københavnillu Universitetiani geologimi 2000-imili professoriulerluni. Taassuma ilisimatusarnera nunat assigiinngitsut akornanni akuerineqarsimavoq, tamannalu pissutigalugu nunarsuarmi sumiiffinni tamalaani tusaamasaalluni, aningaasaateqarfiup tunngavilersuinermini tamanna erseqqissaatigaa.
Ataqqinartorsuaq Dronningi Karen Blixen Museummimut illersuisuusoq Rungstedlundimi, Karen Blixen Museumimi marlunngorpat nersornaasiinermi najuutissaaq.
AAMMA ATUARUK Minik Rosingip oqaluttuaatai atuakkiarineqartut
