Minik Dahl Høegh isertitsinerpaavoq

Minik Dahl Høegh Argentinami assammik arsarluni unammisaqattaarnermi unamminerni tallimani 49-riarluni isertitsinermini unammersuaarnermi isertitsinerpaavoq. Taamaalillunilu aamma Kalaallini peqataasuni kisiartaalluni arsaattunut pitsaanerpaanut "All star"-nik taaneqartunut toqqagaasunut ilaalluni.
juunip 25-at 2012 08:06

VM-imut angunniulluni unammisaqattaarnermi Argentina, Brasilia Chilelu ingerlaqqittuupput.

-Unammersuaarnermi inuusuttunnguanik peqataatitaqarpugut, tamannalu siunissamut neriulluartitsivoq. Inuusuttunut nunatsinnilu arsartunut isiginiarneruvunga, neriupppungalu nunatsinni najugaqarlutik arsartartut imminnut piumaffiginerullissutigisinnaagaat takusinnaagunikku unammersuaarnini angisuuni peqataassagaanni nunani allani Danmarkimiluunniit najugaqarnissaq pisariaqanngitsoq, Nunanut allanut unammisartut sungiusaasuat Niels Møller KNR-mut taama oqarpoq.

Argentinami Amerikkap nunavittaani VM-mut anngunniunnermi unammisaqattaarnermi Kalaallit Nunaata nuanut allanut unamminerit 100-ussaat unammiffigaat. Tamannalu arsartut ilaannuut aamma taamaappoq. Rasmus Larsenimi aamma nunanut allanut unamminermi 100-ussaat aamma unammiqataaffigaa. Siunissarli aggersoq inuusuit arsartussat unammisartut misilittagartuut inissisimaffi taarseriartuaartussaassuaat.