Minik aamma Ivalo qanoq isumaqarpat?
![](/sites/default/files/styles/image_934x467/public/article_images/prinse_dab_ippiarsuk_april_2011.jpg?itok=DyOWl4m3)
Kalaallit atiit nuannarisaasut kunngikkormiut marluliaataannut sisamanngornermi atsiunneqarput. Oqaasileriffiup KNRimut nassuiarpai Minik aamma Ivalo qanoq isumaqarnersut.
Kalaalerpassuit nalunngereerpaat Minik paasineqarsinnaasut siutip miniatut. Aammaligooq paasineqarsinnaasut orsumut nipoqqutattunngorsimasumut umiamut qaannamullu ussissaatigineqartarsimasumut minigutitut. Kisianni tassa miniup sumut atorneqartarnera suuneralu pivallaarnagit kinguaariippassuarni Minik nukappiaqqanut atsiunneqartarsimavoq.
- Ateq naatsuunnguuvoq oqaatigiuminarlunilu tamannalu pissutiginerugunarlugu, isumaa pivallaarnagu, ateq taanna nuannarisaavoq, Oqaasileriffik taama nassuiaavoq.
Ateq Ivalo Avanersuarmiut ateraat, Kunngissarlumi avanersuarmiingaatsiarnikuuvoq Sirius 2000-mi ilisimasassarsiornissamut piareersarnerminni inughuit inuttut qanillingaatsiarfigalugit.
Oqaaseq imaluunniit ateq kitaamiusuunngorlugu isumaqarpoq ujaluk.
- Oqaaseq immini soqutiginaateqarpoq tassani takuneqarsinnaammat oqaatsit ukiut ingerlaneranni qanoq ineriartorsimanersut, Oqaasileriffik taama nassuiaavoq.