Mingutsitsineq Kalaallit Nunaanni annikinneruvoq

Kalaallit Nunaanni mingutsitsineq Danmarkimut naleqqiullugu annikinnerugaluaqisoq, taamaattoq kalaallit mingutsitsinermit eqqugaanngitsuunngillat.
aggustip 24-at 2007 15:20

Avatangiisinik misissuinerit takutippaat, kalaallit timaat akoorutissanit assut mingutsinneqarsimasut, taakkulu assut navianartut, mingutsinneqarnerallu danskinut naleqqiullugit annertunerujussuusut. Aviisi Politiken taama allappoq.

Nunarsuatsinni suliffissuaqarfiulereeqisumi kviksølvimik, cadmiumimik allanillu mingutsitsinerpassuit Kalaallit Nunaannut annguttarput, tassa immmat, immat sarfarneri silaannarlu aqqutigalugit. Tamakku nunatsinni uumasunut annguttarput, soorlu puisinut, arfernut aamma timmissanut, tamakkulu uagut kalaallit nerisarilluartuuvagut.

Mingutsitsineq nerisagut aqqutigalugit tassa uatsinnut sunniuttarpoq.

Danmarkilli imartaani uumasut mingutsinneqarnerat Kalaallit Nunaata imartaani uumasut mingutsinneqarnerannut naleqqiullugu annertuneruvoq, assersuutigalugu Østersømi puisini PCB 30-miit 600 tikillugu annertuneruvoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq