Milam Babic parnaarussivimmi imminoorpoq
Serbiamiu, Milam Babic, Kroatiami sorsunnermi pinerluuteqarsimasutut ukiuni 13-ini paarnaarunneqartussanngortitaasimasoq paarnaarussivimmi toqungasoq nassaarineqarpoq.
Serbiamiu imminorsimasoq Naalagaaffiit Peqatigiit sorsunnermi pinerluuteqarsimasunik eqqartuussiviammit uppernarsarneqarpoq.
- Milam Babic paarnaarussivimmi toqugasoq ippassaq unnukkut arfineq-marluk qeqqata missaani nassaarineqarpoq, Naalagaaffiit Peqatigiit sorsunnermi pinerluuteqarsimasunik eqqartuussivianni oqaaseqartartoq taama oqaluttuarpoq.
Hollandimi oqartussat erngerlutik kalerrinneqarput. Toqusunillu misissuisartup uppernarsarpaa imminorsimasoq.
Serbiamiut sukaruttorneranni kigutit nakorsaattut atorfeqarlunilu Kroatiap illoqarfiisa ilaanni Milan Babic borgmesteriusimavoq. Taamanilu Serbiamiut namminersulivinnissannik anguniagaqartut siuttorivaat. Serbialu namminersortutut maaji 1991-imi suaarutigineqarmat Milam Babic præsidentitut atorfinitsinneqarpoq februaari 1992-ip tungaanut.
Sorsunnerup aallartinnerani Slobudan Milosovecip qanimut Milan Babic suleqatigaa 1992-imili isumaqatigiikkunnaarnerup kingunerisaanik Milan Babic tunuarpoq.
Slobudan Milosovec Kroatiami sorsunnermi pinerluuteqarsimasutut 2002-mi eqqartuussaammat Milan Babic uppernarsaavoq.
50-inik ukiulik Milan Babic 2004-imi parnaarunneqartussanngortitaagami inuiannik nungusaasimalluni nassuerpoq.
