Miki Jacobsen Katuami saqqummersitsilersoq
Saqqummersitsineq eqqumiitsulianik tuniniaatigaluni saqqummersitsineruvoq eqqumiitsuliallu saqqummersinneqartut periutsit ilutsillu assigiinngitsut atorlugit suliaallutik. Suliat ilaat kingumut qiviarluni suliaapput, tassa siornatigut saqqummersinneqarsimasut suliareqqillugit saqqummersinneqarmata. Eqqumiitsuliortup nammineq oqarneratut, "isiginnittariaatsini malillugu suliat ilaat piffissaq sivisooq atorlugu suliareqqinneqartariaqartarput".
Oqaluttuatoqqat aallavigalugit eqqumiitsuliorneq
- Saqqummersitat ilaat “Tulugaq Tuullillu” oqaluttuatoqaativut aallaavigalugit suliaraakka, siornatigullu oqaluttuatoqaativut aallaavigalugit suliaqartareerlunga. Ungasingitsukkut oqaluttuatoqaativut aallaavigalugit atuakkiaq saqqummersussaq assitalersorpara, Miki Jacobsen taama oqarpoq.
Saqqummersitsinermi ilaatigut takuneqarsinnaapput qalipakkat, kiinarpaat (periaatsit assigiingitsut atorlugit suliat) aamma pilikki pappilissamut.
Saqqummersitsinermik ammaanersiorneq Katuami aqagu pingasunngornermi aggustip arfernani nal. 16.00 pissaaq aggustillu 30-iata tungaanut ingerlanneqassalluni.
