Michelle Obama Demokratit ataatsimeersuarneranni oqalugiarpoq

Nunarsuatsinni pissutsit pissusissamittut ingerlanissaat suleqataaffigissallutigu pisussaaffigaarput, tassa neriunartoqalersitsisoq uummatitsigut aqqusaartoq naapertorlugu siunniussaqarsinnaagatta nuna manna asavara, Michelle Obama ilaatigut oqarpoq. Ilaqutariit Obamakkut amerikamiut eqqarsariartaasaat, pitsaanerusumillu siunissaqarnissaat neriuutigigaat Michelle Obamap erseqqissarniarsarpaa. Michelle Obamap ataatsimeersuarnermi pingaarnertut oqalugiarami uimi inuppalaarnerusutut isigineqalernissaa anguniarpaa, Barack Obama nunani allani ilaqutarpassuaqaraluartoq, allatulli amerikamiusut ilaqutariittut inuullutik saqqummersinniarsaralugu. Michelle Obamap oqalugiarnermini naggataatigut amerikamiut kattuteqquai Obamamillu qinerseqqullugit kajumissaarlugit. Oqalugiarninilu naggaserlugu; Guutip sernigilisi – Guutip Amerika sernigiliuk.