Michael Rasmussenip apeqqutit akerusunngilai
Cykel-erluni sukkaniuttarnerni doping-ertarneq naliginnaasutut isikkoqarpoq.
Tour De France-mi sikkilerluni unammeqataasoq Michael Rasmussen, maannalu aamma siuttuulluni sungartumik tujuuloqartoq, dopingtestinut takkuttarsimannginnini pissutigalugu danskit landsholdiinit peersinneqaqqammerpoq.
Maanna amma pasilliutit nutaat takkupput.
Moutainbike-inik sikkilertartoq Whitney Richards maanna aamma nutaarsiassaqartitsiviit aqqutigalugit oqarpoq, siornatigut Michael Rasmussen-imit aperineqarsimalluni anngiortumik dopinginik eqqussuissussisinnaanerluni.
Danskeq sikkilertartoq, Tour de France-mi siuttutut sungaartumik tujuuloqartoq, Michael Rasmussen, ilumut dopingerutinik atuisimanersoq tusagassiortunit aperineqaraluaraangami, apeqqutit doping-imut tunngasut akerusunneq ajorpai.
- Sikkilerlunga angusakka pillugit apeqqutit taamaallaat akerusuppakka. Apeqqutit allanut tunngasut akinianngilakka, Michael Rasmussen ullumi taama oqarpoq.
