Michael Jacksonip timaa misissorneqalerpoq
Nakorsap taassumap biilia Michael Jacksonip angerlarsimaffigisimasaata silaataannittut arsaarinnissutigineqarput ,missuiffigineqarnissaalu siunertaralugu USA-mi pisortanit allamut ingerlanneqarlutik.
Michael Jacksonip toquneranut paatsisaasup paasiniarneqarnerani, biilit iluanni nakorsaatinik nassaarfigineqarsinnaanera pillugu biilit pisortanit arsaarinnissutigineqarput. Michael Jacksonip namminneerluni nakorsaa kinaanersoq Los Angeles-imi politiinit avammut nalunaarutigineqanngilaq.
Los Angelesimi toqusimasunik misissuisartut Michael Jacksonip timaa missisorlugu aallartereerpaat. Timaani toqussutigineqarsinnaasunik missuinerit naammassippata, Michael Jacksonip sunarpiaq toquneranut pissutaanersoq aatsaat avammut nalunaarutigineqassaaq, mississuinerillu taamaattut sapaatit akunnerinik arfineq pingasunik sivisussuseqarsinnaasartut nutaarsiassaqartitsivik CNN nalunaarpoq.
