Michael Jackson pillugu filmiliaq takuteqqaarneqarpoq

Michael Jackson illoqarfinni assigiinngitsuni 17-ini tusarnaartitsinissaa sioqqullugu sungiusarnerani videomik filmiliarineqarpoq, videomut immiussaq akunnernik 80-inik sivisussussuseqartoq katiterneqarluni filmilliarineqarpoq.

Michael Jacksonimik nuannarinnittut Londonimi Los Angelesimilu filmi isiginnaariareerpaat, isiginnnaariallu amerlasuut Michael Jackson ataqqiniarlugu illuanik aaqqasersimapput.

Filmi illoqarfissuarni 15-ini ullumi takuteqqaarneqarpoq, soorlu Koreap illoqarfiisa pingaarnersaanni Seoulimi, Sydafrikami Johannesburg-imi, Brasiiliami Rio de Janeiro aammalu Berlin-imi.

Michael Jackson pillugu filimiaq nunatsinni qaqugu takutinneqassanersoq, maannakkut oqaatigineqarsinnaanngilaq. Kulturikkut illorsuarmi Katuami filmi Nuummioq maannakkut takutinneqarpoq, Katuamiillu oqaatigineqarsinnaanngilaq Michael Jackson pillugu filmiliaq qaqugu takutinneqasssarnersoq.