Michael Binzer Air Greenlandimi pisortaaninngussaaq
Air Greenland A/S-ip siulersuisuisa aalajangerpaat, Michael Binzer Air Greenland A/S-imi pisortaanertut atorfinitsinneqassasoq.
Michael Binzer, 38-nik ukioqartoq, ullumikkut SAS Danmarkip immikkoortortaani Leisure Sales pisortaavoq, taamaalillunilu SAS Danmarkip tuniniaanerata affaa akisussaaffigalugu.
”Nuannaarutigeqaara atorfinitsitarput pillugu, tassami suliassamut piukkunnarluinnartuuvoq; maani Nunatsinni peroriartornikuuvoq; Nunatta avataani ilinniarsimavoq misilittakkanillu katersisimalluni; kiisalu pingasoriarluni ukiukkut Olympiadeqarnerani pingasoriarluni peqataasarsimavoq”, Air Greenland A/S-ip siulersuisuini siulittaasoq Peter Grønvold Samuelsen oqarpoq.
Michael Binzer Air Greenland A/S-imi atorfeqarluni ukiup ataatsip matuma siorna SAS Danmarkimi atorfinippoq. Air Greenlandimi Michael Binzer tuniniaanermut ussassaarinermullu pisortaanikuuvoq, kiisalu piffissami kingullermi avammut takornarianut tuniniaanermik suliaqarsimalluni. Atuagarsorluni mi-silittaallunilu ilinniarsimanermi saniatigut pisortassatut pikkorissarnerit arlallit peqataaffigisimavai.
Michael Binzer Air Greenlandimi pisortaanertut juunip aallaqqaataaniit sulilissaaq, manna tikillugu pisortaanerusoq Flemming Knudsen, Royal Greenlandimi maajip aallaqqaataani pisortaanerusunngortussaq kingoraarlugu. Michael-ip sulilernissaata tungaanut aningaasaqarnermut pisortaq Ove Nielsen pisortaaneru-gallartutut sulissaaq.
Taama nalunaarpoq Air Greenlandip siulersuisuini siulittaasoq Peter Grønvold Samuelsen.
