MIBB siulittaasutaarpoq

Britta Nielsen Johansen Meeqqat Inuunerissuni siulittaasunngorpoq. Tallimanngormat Aaja Chemnitz Larsen Kalaallit Nunaanni meeqqat illersuisuattut ilisaritinneqarpoq, tamannalu toqqammavigalugu Meeqqat inuunerissuni (MIBB) siulittaasutut ingerlaqqissinnaanani.
Allattoq Sorlannguaq Petersen
apriilip 04-at 2012 14:05

Siulittaasunngortoq Britta Nielsen Johansen, inunnik isumaginninnermi siunnersortitut ilinniarsimasuuvoq, ukiorpaalunnilu inunnik isumaginninnermik suliaqarsimalluni.

Ukiunilu kingullerni annertunerusumik pinaveersaartitsineq pitsaaliuneq peqqinnerulernissamillu suliniutinik ingerlataqarsimalluni. Brittap suliniut aallartisarneqareersoq, ”Kuseriarnertut siaruarlugu” suliassatut ingerlatassatut pingaarnertut ingerlakkusuppaa.

- Soorunami uggornarpoq, Aaja Meeqqat Inuunerissut siulersuisuini peqatigiunnaassagatsigu, oqaatigisariaqartorli unaavoq suliassatta ”Kuseriarnertut siaruarlugu” tunngavissartaa piffissami qaammammi kingullermi annertuumik suliarisimammagu - tamannalu pillugu assut qujaffigerusupparput, atorfittaaminilu sulilluarnissaanik kissaallugu. Siulittaasunngorlaaq Britta Nielsen Johansen, oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq