MIBB: Meeqqat pillugit suli suliassarpassuaqarpoq
Meeqqat Inuunerissut, naalisarlugu MIBB, Kalaallit Nunaanni meeqqat atugaasa ajunnginnerulernissaannik suliniuteqartuusoq, Genevemi danskit suliniaqatigiiffiinik maannakkut ataatsimeeqateqarpoq.
Meeqqat pillugit suliniaqatigiiffiit assigiinngitsut Danmarkimiittut Kalaallit Nunaaniittullu Naalagaaffiit Peqatigiit Meeqqat pisinnaatitaaffii pillugit komitéanik ataatsimeeqateqarpoq, Kalaallit Nunaanni Danmarkimilu meeqqat pillugit ullumikkut siunissamilu suliariumaakkatik pillugit saqqummiussaqassallutik.
2009-p kingorna ajunngitsorpassuarnik pisoqarfiuvoq, Naalakkersuisut nutaat atuutilermatali meeqqat atugaat qitiutinneqarput, suliniaqatigiiffiup Meeqqat Inuunerissut siulittaasuata tullia, Katrine H. Nathanielsen oqarpoq.
Ajornartorsiuterpassuit amerlanerat nassuerutigisariaqarparput, taamaattumik meeqqat atugaanik sulinermi Naalakkersuisut tamarmiullutik peqataasariaqarput, Katrine H. Nathanielsen oqarpoq.
-Aningaasarsiat assigiinnginnerussuat takusinnaavarput misigalutigulu. Imigassamik ajornartorsiutilippassuupput, meerartaqarpugut ulluinnarni inuunerminni akuerineqarsinnanngitsumik atugaqarlutik peroriartortunik, tamakkualu maluginiarneqarnissaat pisariaqarpoq, Meeqqat Inuunerissut siulittaasuata tulllia, Katrine H. Nathanielsen, tusagassiuutinut nalunaarummi allappoq.
