Mexicomi suli præsidentissarsiorput
Mexicomi præsidentissarsiorneq eqqartuussiviit qullersaanni aalajangerneqassaaq.
Saamerlerneersup Andres Obradorip oqaasii malissagaanni taamatut aalajangerneqartariaqassaaq.
Qinersinermik nakkutilliisut Obradorimit eqqartuussisulersuunniarneqarput, Konservativineersoq Felipe Calderón sapaatip-akunnerata siuliani nakkutilliisunit qinersinermi ajugaasimasutut suaarutigineqarmat.
Qinersinerup inernerata takutippaa Calderón 0,6 procentiinnarmik ajugaasimasoq. Tamanna pissutigalugu kisitseqqissaartoqarnissaa Andres Obradorip piumasarisimavaa.
- Talerperlernut iluaqutaasussanngorlugu uagutsinnut taasinerit peerneqarsimapput, taamaaliortoqarsimaneranik uppernarsaatissaqarpoq, Obrador arfininngormat akerliussutsimik takutitsinermi oqarpoq.
Qinersinermik nakkutilliisut nunanit allaneersut qinersinerup inernera akuersissutigereerpaat.