Mexicomi qinersipput
Mexicomi qinersisartut præsidentissamik ullumi qinersissapput. Qinersinermi saamerliunerusut imaluunniit killeqannginnerusumik akileraarusersugaavallaannginnerusumillu niuernermik soqutigisallit qinigaassanersut pissanngatigineqarpoq.
Qinersinissami naligiingajalluinnartoqarnissaa ilimagineqarpoq, ilaatigut Mexicomi borgmesteriusimasoq Andres Lopez Obrador-ip akerlialu Konservativineersoq Felipe Calderon naligiilluinnarnissaat ilimagineqarpoq.
Obrador saamerliunerusoq piitsut pillugit qinigassanngortinnerartoq Calderon-i qinigassanngortippoq, niuernermik siuarsaaniarluni neriorsuilluni.
Isumasiuinermi Obrador procentinik marlunnik siuaqqavoq.
Mexicomi inuit 71 millionit qinersisinnaapput, taakkunanngalu 66 procentit qinersiartorsimanissaat ilimagineqarpoq.
Niuernermik soqutigisallit, Calderonip ajugaanissaa neriuutigaat, ernumanartoqartippaalli Obradori ajorsarnisaa, taannami indiaanerinit kingoqqisuuvoq akerliussutsimillu takutitsisarnerni pikkoriffeqarttuuluni.
