Mexicomi Argentinamilu aanngajaarniutit akuerisaalerput
Argentinami eqqartuussiviit qullersaannit tamanna aalajangerneqarpoq, peqqutaatinneqarluni "inuit namminneq iliuusaat, torersuunermut ileqqorissaarnermullu akornutaanngippat, nunami naalakkersuinikkut aaqqissuussinermit illersorneqartartut.
Mexicomi heroinimik, kokainimik marihuanamillu annikitsualukkuutaanik peqarsinnaaneq ullut sisamat matuma siornatigut akuersissutigineqarnerata kingorna, Argentinami aanngajaarniutinik peqarsinnaaneq eqqartuussissutigut akersissutigineqarpoq.
Aanngajaarniutinik peqarsinnaaneq pillugu Mexicomi inatsisitigut allannguinermut tunngavilersuutigineqarpoq, aaqqissuussamik aanngajarniutinik pinerluttuliortartut pinaveersaartinnissaannut politiit sulinertik atussagassamikkik, unioqqutitsinerit annikitsualikkuutaanut atornagit.
Mexicomi aanngajaarniutinik peqarsinnaanerup kingunerivaa, mexicomiut annerpaamik marihuanamik gramminik tallimanik peqarsinnaalermata, grammip affaanik annertugisumik kokainimik imaluunniit opiumimik 50 milligramminik peqarunik sinnernagillu inatsisitigut unioqqutitsisutut naatsorsuutigineqarunnaassammata.
