Mette-Marit kuultimik Kalaalit Nunaanneersumik akissarsivoq
Ilaasartaat sukkasuuliaq norgemiut kunngissaata Haakonip nuliata, Mette-Maritip, arfininngormat atserpaa ”M/S Fram”, Oslo-miit Kalaallit Nunaaliarluni angalaqqaamminik aallanngitsiarnerani. Inuit 10.000-it atsiinermi najuupput pisarnertullu Oslo talittarfiani inuit nuannattunnguupput, puiaasaq champagniamik imalik Mette-Maritip atsiinermini umiarsuarsuup timitaanut naloriummagu.
Prinsessep atsiineranut qujassutissatut kalaallit kuultianik Nalunap kuultisiorfianeersumik akiler-neqarpoq. Pinnersaasiaq atserneqarsimavoq ”Puttaaq”, ujamissatullu sananeqarsimalluni, iverutit kiisalu tajat sterling-sølvimit kiisalu 18 karatimik kalaallit kuultianik sanaajupput.
Danskit kuulti atorlugu eqqumiitsuliortuanit Trine Trierimit ilusilersugaapput sananeqarsimallutillu. Ukiup ataatsip ingerlanerani pingajussaanik Trine Trier kunngikkormiut inniminnigaannik sanaassivoq.
Trine Trierip sanaavisa ilisarnaatigisarpaat kalaallit kuultiannik pinnersaatitaqartarnertik.
Umiarsuaq takornariartaat nutaaq ”M/S Fram” ullualunnguit qaangiuppata angalaqqaatiminik Oslo-miit Reykjavik-kikkoorluni Tasilalaliarluni aallassaaq.
Umiarsuaq Tasiilamut tikissaaq majip 28-ani imaluunniit 29-anni. Tassanngaaniit Nunap Isua uiarlugu Qaqortoq avaqquteriarlugu Nuummut juunip ulluisa tallimaanni tikissaaq.
