Mette Frederiksen Nato-mi ataatsimeersuarnermi: Issittup sammineqarnerunera – Kalaallit Nunaat eqqaaneqanngilaq
Issittoq ukkatarineqarnerusoq, Mette Frederiksenip Nato-p Haagimi ataatsimeersuarnerata nalaani naatsumik tusagassiortunik katersortitsinermi oqaatigaa.
Illersornissamut aningaasaliinerusoqassasoq Natomi nunat tamarmik ullumi isumaqatigiissutigaat. Issittorlu ukkatarineqarnerussasoq nunat aamma isumaqartut, danskit ministeriunerat oqarpoq.
Allattoq Birgitte Kjeldsen
juunip 25-at 2025 12:20
- Nato-p Issittumiinnissaata Avannaaniinnissaatalu qanoq pingaaruteqartiginera ataatsimeersuarnermi suleqatitit arlaleriarlugu eqqaavaat.
Danskit ministeriunerat, Mette Frederiksen Natomi nunat tamarmik bnp-minnit 5 procentit illersornissamut isumannaatsuunissamullu atorneqarnissaat isumaqatigiissutigereeraallu oqarpoq.
Mette Frederiksenip, illersornissamut ministerip, Troel Lund Poulsenip aamma nunanut allanut ministerip, Lars Løkke Rasmussenip amerikamiut ataatsimeersuarnermi oqaloqatiginissaannut periarfissaqarsimasut, DR-ip allaaseraa.
Kalaallit Nunaallu oqaloqatigiinnermi uani sammineqanngilaq.
- Kalaallit Nunaat oqaluuserinngilarput, danskit ministeriunerat oqarpoq.
