Mette Frederiksen tusagassiortunik katersortitsinermi: Minkit tamarmik toqunneqassapput

Danmarkimi illersornissaqarfik, upalungaarsimanermut aqutsisut hjemmeværnellu minkinik toqoraasussatut suliakkinneqassasut, ministeriuneq oqarpoq.
Virusi allanngortumik kinguaassiortoq minkiuteqafinni assigiinngitsuni tallimani siumorneqarpoq, tamannalu nunanut tamalaanut nalunaarutigisimallugu peqqissutsimut ministerip Magnus Heunickip oqaatigaa. Assi © : Mads Claus Rasmussen/Ritzau Scanpix
Allattoq Ritzau
novembarip 04-at 2020 13:51
Nutserisoq Ivik Kristiansen

COVID 19- allanngortunik kinguaassiorluni minkiniit inunnut siaruaammat, Danmarkimi minkit tamarmik toqunneqassasut ministeriunerup Mette Frederiksenip tusagassiortunik pingasunngornermi katersortitsinermi oqaatigaa.

Inuit aqqaneq-marluk virusimik allanngortumik kinguaassiorsimasumik tunillatsissimasutut maanna nalunaarsorneqarsimapput. Timip akiuussutissai virusimut allanngortumik kinguaassiortumut sunniuteqarujussuanngimmata, virusimut akiuussutissaliorneq ajornarnerulersinnaavoq.

Minkit akornanni tuniluunneq innuttaasut peqqissusaannut navianartorsiortitsisoq, Mette Frederiksenip oqaatigaa.

AAMMA ATUARUK Minkiuteqarfiliortoqarnissaanut akerliullutik atsiornernik katersisut

Danmarkimi illersornissaqarfik, upalungaarsimanermut aqutsisut hjemmeværnellu minkinik toqoraasussatut suliakkinneqassapput.

Danmarki minkip amiinik tunisassiortuni nunarsuaq tamakkerlugu anginersaavoq. Danmarkimi minkit 15 aamma 17 millionit akornanniipput.

Virusi allanngortumik kinguaassiortoq minkiuteqafinni assigiinngitsuni tallimani siumorneqarpoq, tamannalu nunanut tamalaanut nalunaarutigisimallugu peqqissutsimut ministerip Magnus Heunickip oqaatigaa.

Minkit akornanni tuniluunneq oqartussanit minnerpaaffimmiitinniarneqarsimagaluarpoq.

Aamma atuaruk