Metroxpress: Nuummi ulluinnarni inooriaaseq arriitsoq

Qallunaat nunaannni aviisi ullormut saqqummertartoq MetroXpress inunnit 650.000-init atuarneqartartoq, kalaallit nunaannut tunngasuteqartunik ulluni makkunani allaaserisanik atuarsinnaapput.

Aviisip nunatsinni inuuneq sammigaatsiarpaa.

Kalaallit Nunaanni suliffeqarfiit assigiinngitsut sulisussarsiorlutik neqeroorutaasa quppernerit sisamaasut saniatigut, Kalaallit Nunaat pillugu paasissutissanik allaaserisanik marlunnik, Nuummi suliffeqarfinni misilittakkat pillugit allaaserisaqarpoq.

Siornatigut Namminersornerullutik Oqartussani sulisuusimavoq; Claus Sømoed, Nuumminngaaniit qaammatit marluinnaat sulereerluni aallarsimavoq.

- Suliassaqanngilaq, suliassaaleqinarpoq, unammilligassaqaranilu, Claus Sømoed, oqarpoq. Nunani allaniittarnerminik misilittagartuujusoq ilaatigut illoqarfissuarmi tattorliuunnaqisumi Bruxelles-imi, Warszarwa-mi kiisalu USA-mi illoqarfinni tamaniittarsimasoq.

- Naammaginanngitsorujussuuvoq. Suliffinni susoqarneq ajorpoq, naak ! Nuuk nuanneralua-qisoq, annertunerusumik soqarpiarneq ajorpoq, illoqarfissuarmiuissuaq; Claus Sømoed, oqarpoq.

Qallunaap allap misigisaa tassaasimavoq, Nuummi ingerlaatsip arriinnerujussua nuannersuusoq. Pisiniarfinni tuniniaanermik ilinniagalik; Louise Thorndahl, ukiut pingasut Nuummeereerluni Danmark-imut uteqqammerpoq.

- Uatsinnut piffissaqarfigisaqaagut, suna tamarmi arriitsuararsuamik ingerlammat, pissutsinummi sungiussipallannarpoq. – Tamanit nuannernerpaasarpoq unnukkut umiatsiamik angalaalaarneq illoqarfik qimalaarlugu arferillu puiaarujoortut isiginnaarujoorlugit, Louise Thordahl. Oqarpoq.