Ritzau Politikki Nunanit allanit

Merkelip partiiata CDU-p socialdemokraatit suleqatiginissaat siunniukkaa

Tysklandimi politikkikkut ajornartorsiutit qaangerniarlugit partiit annerit marluk CDU aamma SPD naalakkersuisoqatigiilernissaat, Tysklandip forbundskansleriata Angela Merkelip partiiani CDU-mi siuttut, akunnerni sisamani ataatsimeereerlutik isumaqatigiissutigaat.
Assi © : Flickr.com / European People's Party
Allattoq Ritzau
novembarip 27-at 2017 07:06
Nutserisoq Mads Lynge

Kristendemokratit CDU-t partiit De Grønne FDP-lu naalakkersuisoqatigiilernissaat pillugu sapaatip-akunnerata siuliani isumaqatiginninniarfigigaluarpaat, isumaqatiginninniarnerilli ajalusoorput.

Isumaqatiginninniarnerit ajalusoornerat pissutaallutik, socialdemokratit SPD-t Merkelip partiianik CDU-mik, CDU-llu Bayernimi immikkoortuanik CSU-mik naalakkersuisoqatigiilernissaat pillugu kimigiiserfigineqartariaqalerput.

CDU, Tysklandimi inatsisartunut septembarip ulluisa 24-anni qinersisoqarnerani ajugaavoq. Naalakkersuisoqataasali SPD-t ilimagineqartumik angusarissaarpallaanngillat, SPD-llu siulittaasuata Martin Schulzip erseqqissaatigaa partii naalakkersuisoqatigiilernianngitsoq. Naalakkersuisoqatigiileqqinnissamulli ammanini kingorna aamma oqaatigisimavaa.

/ritzau/dpa

Aamma atuaruk

Ritzau

Madonna Brasiliami Copacabanami tusarnaartitsimmat inuit 1,6 millionit tusarnaariartut

Ritzau

Brasiliami qarsutsinersuaqarnerani inuit 56-it ajunaartut

Ritzau

Boris Johnson kiunermik uppernarsaatini puigorsimammagu qinersinissamik itigartitaasoq