Merkelip partiiata CDU-p socialdemokraatit suleqatiginissaat siunniukkaa
Kristendemokratit CDU-t partiit De Grønne FDP-lu naalakkersuisoqatigiilernissaat pillugu sapaatip-akunnerata siuliani isumaqatiginninniarfigigaluarpaat, isumaqatiginninniarnerilli ajalusoorput.
Isumaqatiginninniarnerit ajalusoornerat pissutaallutik, socialdemokratit SPD-t Merkelip partiianik CDU-mik, CDU-llu Bayernimi immikkoortuanik CSU-mik naalakkersuisoqatigiilernissaat pillugu kimigiiserfigineqartariaqalerput.
CDU, Tysklandimi inatsisartunut septembarip ulluisa 24-anni qinersisoqarnerani ajugaavoq. Naalakkersuisoqataasali SPD-t ilimagineqartumik angusarissaarpallaanngillat, SPD-llu siulittaasuata Martin Schulzip erseqqissaatigaa partii naalakkersuisoqatigiilernianngitsoq. Naalakkersuisoqatigiileqqinnissamulli ammanini kingorna aamma oqaatigisimavaa.
/ritzau/dpa