Merkelip Tysklandimi killilersuinerit februaarip 15-ianut sivitsorniarai
![](/sites/default/files/styles/image_934x467/public/article_images/20210105-191049-l_36mb.jpg?itok=zyvvwS9v)
Tysklandimi corona peqqutigalugu killilersuinerit februaarip qeqqata tunganut sivitsorniarneqalerput.
Tysklandimi naalakkersuisut siunnersuutissamittut mssingiussaanni tamanna atuarneqarsinnaasoq, tyskit aviisiat Bild aamma nutaarsiassaqartitsivik Reuters naalakkersuisut missingiussaannik atuarsimasut allapput.
Niuertarfiit amerlanerpaartaat atuarfiillu kilillersuisoqarnerani matoqqaannassapput.
AAMMA ATUARUK CDU-mi siulittaasunngortoq Tysklandimi kanslerinngorsinnaavoq
Tysklandip forbundskansleriata, Angela Merkelip, Tysklandimi nunat immikkoortuisa aqutsisuinik marlunngornermi ataatsimeeqateqassaaq, tunillaassuutiginngissamut iliuusissat killilersuinerillu sivitsorneqarnissaat oqallisigalugit.
Tyskland 83 millioninik inoqartoq coronavirusi upernaaq tuniluutileruttormat Europami nunani aniguilluarnersaanut ilaavoq.
Tysklandimili coronavirusimik qaammatini kingullerni tunillatsissimasut toqqutillillu malunnartumik amerleriangaatsiarput.