Meeraaqqat inoorlaajullutik toqusartut ikiliartorput

Meeraararpassuit inoorlaat inunngornerminni aniguisartut amerliartorput.

Meeraaqqat toqusartut ukiualuit ingerlaneranni 25 procentimik appariaateqarsimapput.

Tamatumunnga pissutaavoq meeraaqqat inunngortartut pillugit pimoorussilluni suliniuteqarneq, taama oqarpoq, nakorsaaneq, ernisarfimmi Nuummi allaffissornikkut aqutsisoq, Peder Kern:

Polikikkikkut suliniuteqarnermi 2001-imi juumuumik aqutsisoqalernissaa suliniutigineqarsimavoq, tamannalu aallartippoq 2002-mi.

Ernisussiortunut aqutsisuusup suliassaa tassaasimavoq illoqarfinni arfineq-marlunni Nuup saniatigut ilinniarsimasunik ernisussiortoqalernissaa.

Tassalu Qaqortumi, Sisimiuni, Aasianni, Ilulissani, Uummanami, Upernavimmi kiisalu Tasiilami.

Tamatumalu kinguneraa meeraaqqat inunngornerminni toqusartut ikileriarsimammata ukiut tallimat matuma siornagut inunngortartunut sanilliullugit – Meeraaqqat inunngornerminni toqusartut 25 procentimik appariarsimapput – 19-it 1000-it inuusunit 2002-mi. 14-it 1000-it inuusunit 2005-mi.

Kisitsisit taamatut takussutissiinerat, Peder Kernip nuannaarutigaa.

Kisitsisit takutinneqartut saniatigut Peder Kern oqarpoq, juumuut atorluarneqarnerisa aamma takutikkaat, meeraaqqat inunngornerminni ajoqusertartut ikinnerulersimasut.

Assavut sarliaannanngilavut neriuutigaarpullu

ineriartorneq taamatut ittoq pitsaasumik ingerlaannartariaqartoq:

Illoqarfinni sisamani peqqissaasumik ikiorteqarluni aamma ernisoqarsinnaanera ingerlanneqarsinnaavoq.

Tassalu Nanortalimmi, Narsami, Qasigiannguani aammalu Illoqqortoormiuni.