Meeraagallarami misiligutaasimasoq taarsiiffigineqarneq pillugu: Rødviinni pitsavik iggisigisariaqarpara
Eva Illum qatanngumminut neriartorluni biilertilluni oqarasuaatikkut sianerfigineqarpoq.
Sunaaffa eqqartuussissuserisua oqarniartoq danskit naalagaaffiat eqqarrtuussissutitaqanngitsumik isumaqatigineqarsimasoq.
Isumaqatigiissutip kingunerisaanik meeqqat misiligutaasimasunit sinneruttut arfinillit tamarmik immikkut koruuninik 250.000-inik pisussanngorput.
- Isumaqaratta tamanna nerinissatsinnut rødviinnimik pitsavimmik iggiseqarnissatsinnut peqqutitsialaasoq, taava rødviinnimik pitsavimmik aqqutaani piseriarluta qatanngutinnut neriartorpugut. Nutaarsisassaq taamatut nalliussivarput, Eva Illum oqaluttuarpoq.
Arfineq pingasunik ukioqarluni meeqqat allat 21 ilagalugit Kalaallit Nunaannit Danmarkimut aallartinneqarpoq.
Tamanna 1951-imi pivoq, meeqqallu misiliinermut ilaappuut, tassani qallunaanewrusunngortinniarneqarput, Kalaallit Nunaannut uteriniassagamik maligiassiuisutut.
Kisianni ataasiinnarluuniit angajoqqaaminut utinngilaq. Taarsiullugu meeqqat angerlarsimaffiinut ilaqutarsianullu inissinneqarput.
Ullumikkut meeqqanit taakkunannga 22-iusunit arfinillit suli uumapput, 2020-milu perorsaaniarluni Danmarkip misiliinermut akisussaanera pillugu pisortatigoortumik ministeriunermit Mette Frederiksenimit (S) utoqqatserfigineqarlutik.
Killitsittaqaagut
Utoqqatserneq aningaasatigut taarsiiffiginertaqanngilaq, taamaattumillu naalagaaffik eqqartuussisunut tunniuppaat.
- Sinneruttugut arfiniliuvugut kiisalu utoqqasaanngorsimalluta. Taamaattumik misigisaavoq nuannersoq suliaq isumaqatigiinnermik inerneqarmat uagullu taarsiiffigitikkatta, Eva Illum massakkut 78-inik ukiulik Odensemi najugaqartoq oqarpoq.
Erseqqissarpaa pereersut uterfigeqattaassallugit assut sakkortusimasoq.
- Oqaloqatigiissutigigaangtasigu attortittaqaagut killitsillutalu Eva Illum oqarpoq, nuannareqaalu meeraallutik misiligutaaqatini taakku tallimat naapeqqissinnaagamigit.
- Ukiorpassuit avissaarsimareernikuulluta taamani nalunngisavut takoqqillugit nunanneqaaq. Naapeqqilluni iluarpoq eqqamasalikkersaaqatigiillunilu taamalu immitsinnut attavigeqatigiinnerput ingerlallugu.
Immaqa Kalaallit Nunaannukassaaq
Taakku arfinillit aamma ataatsimoorutigaat qanittukkut taarsiissutinik aningaaserivimminnut7 tuttoqartussanngormat, Eva Illumillu aningaasat sumut atussanerlugit eqqarsaatigisimavaa.
- Assersuutigalugu Kalaallit Nunaannut angalasinnaagaluarpunga.
Ilutigalugu ilaqutariit aasarsiortarfimnmik illoqarput nutartertariaqalersimasumik:
- Inuutillunga misigeruppara illu alliniarlugu tikeraanut initalerlugu nutartilaarlugulu. uMassakkummi takussavarput aningaasat sumut naammassanersut, Eva Illum oqarpoq.
