Meeqqerivinnut akit qaffasinnerarlugit atsiortitsipput
Meeqqerivinnut akit aamma assigiinngippallaartut angajoqqaat isumaqarput.
- Meeqqerivinnut akit sumiiffinni tamangajanni assigiinngisinnissaat akuerineqarsinnaanngilaq, tamattami assigiimmik akileraartarpugut, isumassarsisut Karen Ramsøe Peter Davidsenilu oqarput.
- Ilaqutariit meerallit amerlanertigut tassaasarput pilersuillutik aallartisaleruttortut. Taakkuupput meeqqerivinnut akit inornartut akilersornerisa saniatigut nerisassanut, atisassanut, ineqarnermut, orsussanut allarpassuarnullu akitsoriartuinnartunut angummanniarsarisut, atsiortitsisut oqarput.
Atsiortitsiortorneq ippassaq aallartittoq ulluni tullerni 14-ini ingerlassasussaq maannamut 250-it atsiorfigereerpaat.