Meeqqerisut Bornholmimi ataatsimiissapput

-Bornholm-ip kommunini ukiut sisamat matuma siorna kattuppai, kommuni ataasiinnanngorluni. Bornholm Kalaallit Nunaallu assigiinngitsutigut aamma assigiissuteqarput, taamaattumik ikaarsaarnerminni meeqqeriviit atugaannik naleqqussaasimanerat ilinniariartussavarput.

Taama oqarpoq Meeqqerisutut ilinniagalik,

Bo Christensen, Meeraanitsialak.gl-mik piginnittoq.

Kalaallit Nunaani kommunit kattuttussaammata Ulluunerani Meeqqerivinnit kiffartuussinerup ikaarsaanermi eqaatsuunissaa ataatsimiissutigissavarput, taama oqarpoq Bo Christensen, nangipporlu:

-Ikaarsaariarneq ajunngitsuusariarpoq, kattunnermilu suut ajornartorsiutit nalaanneqassanersut siumoorluta oqaluuserisariaqarpavut. Bornholm inuttussutsimigut inuussutissarsiornikkullu Kalaallit Nunaanut assinguvoq. Illoqarfiit imminnut ungasipput, Kalaallit Nunaanisuunngikkaluaq kisianni bornholmimiut namminneq taama misigisimavaat, Bo Christensen nassuiaavoq.

Bornholmimiut paasisimasaat nunatsinni Ulluunerani Meeqqeriviit qanoq iluaqutigitigissaneraat apeqqutigineqarmat, Bo Christensen oqarpoq.

Bornholmimi kommunit kattussuunneqarmata kukkussutaasimasut nunatsinni kukkussutaannginnissaat isumagineqassasut, aamma immaqa paasisat sorpiaat nunatsinni eqqumaffigineqassanersut ilisimasaqarfigineqalissapput.

-Allatut oqaatigalugu, Ulluunerani Meeqqeriviit inooriaatsikkut atukkatigullu taama assigiinngissuteqartigisut ineriartorlutik ataaasiinnanngorpata suut eqqumaffigineqarlutik qanorlu atorneqassanersut ilisimalissagunarpavut, taama aamma oqarpoq Bo Christensen.

Bornholmimi innuttaasut 60.000-iupput assigiissutittalu ilagaat Ulluunerani Meeqqeriviit amerlassusaasa Bornholmimi kommunimi ataasiusumi innuttaasunut naleqqussarneqarsimaneri, soorlu nunatsinni aamma innuttaasut amerlassusaannut naleqqussarneqarsimasut, kommunittali kattunnerisigut Ulluunerani Meeqqeriviit aqunneqarneri illoqarfinni ataasiakkaaniikkunnaarlutik kommunimit ataatsimit aqunneqalissapput, soorlu aamma Bornholmimi taama pisoqarsimasoq.

Ataatsimiinneq Allinge-mi ullut qulit ingerlasussaq oktoberip ulluisa tallimaanni aallartissaaq.