Meeqqat uninngaannarpallaaqaat

Meeqqat issiaannartarnertik napparsimalissutigisarpaat. Qitermikkut, pukutsumikkut tuimikkullu annialersarput. Pualasuunngortarput, uummatimillu taqarsuisigut akornuteqalersarlutik, sukkornermik nappaateqalersarput, saanermikkullu akornuteqalersarlutik. Aviisi Jyllandsposten taama allaaserisaqarpoq.

Meeqqat ukioq manna uninngaannangaaramik ukiukitsuullutik nakorsanit ajuutilinnillu ikiorneqarnissaminnik pisariaqartitsisalerput. Tamanna takussaasorujussuuvoq, ajuutillit peqatigiiffianni, Dansk Kiropraktor Foreningimi siulittaasoq, Peter Kryger-Baggesen, aviisimut oqaluttuarpoq.

Meeqqanik passussiuaannarnikuuvugut, maanakkulli siornatigut passunneq ajukkavut ikiortalerpavut. Ajoqusersimanitik pillugit siornatigut aggertarput, soorlu timersornerup kingorna ajoqusersimasut, maannakkulli meeqqat uninngaannarpallaarnertik timersorpallaannginnertillu pissutigalugu ajoquteqalersimasut takusalerpavut, Peter Kryger-Baggesen oqarpoq.

Meeqqat inuusuttuaqqallu 15 - 20 procentii aalanngippallaarnertik pillugu qitermikkut saanermikkulluunnit ajoquteqalersinnaasut eqqoriarneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat