Meeqqat tarnikkut ikiorneqartariaqarput
Karen Littauer-ip Qaanaami meeqqat pikkorissartinnialermagit angajoqqaaat ilisimatinneqarsimanngillat, meeqqat misigissutsitigut ammarsarneqarnissaat. Angajoqqaavisa imigassamik atuinerat pillugit apersorneqarsimapput, tamatumalu kingunerisaanik meeqqat ilai angajoqqaaminnut misigissutsitigut ungasillimallutik.
Angajoqqaat arfinillit tusagassiuutigigut allagaqarnerminni piumasaaraat tarnip pissusaanik immikkut ilisimasalimmik Qaanaaliartitsisoqartariaqartoq.
Pikkorissartitsinermi meeqqat atuarlutik soraarlutillu ingerlaannaq pikkorissartinneqartarsimapput unnussuaq tikillugu, oqarasuaataallu angallattakkat qaminneqartarsimallutik, tupinnanngitsumillu angerlarunik kaattarsimapput, angajoqqaat tusagassiuutinut allagaqarnerminni allapput.
Meeqqat misigissutsit pillugit ammanerulersinneqarsimappata tarnip pissusaanik ilisimasalimmik ilinniarsimasumik sullinneqartussaapput, tamannalu malinneqarsimanngippat, kingunerluuteqarsinnaavoq.
