Qulaarpaa Meeqqat sumiginnakkat ilinniartitsisunut artukkiisut

Meeqqat atuarfiini ilinniartitsisut suliassarpassuaqarput, suliassanilli kivitsinissamut soorluuna naammattumik sakkussaqanngitsut.

Ilinniartitsisutut sulineq taamaallaat ilinniartitsinerunngilaq. Meeqqat atuariartortarput nerisimanatik, naammattumilluunniit sinissimanatik. Atuarnermi suliassaminnik angajoqqaaminnit tapersersorneqanngillat, meeqqallu ilaat angajoqqaamik atornerluinerannit sunnerneqarsimasarput,  naapertuilluanngitsuliorfigitissimanerminnilluunniit kingunerlutitsillutik.

Tamakku ilinniartitsisumut ima kinguneqartarput;  atuarfinni meeqqat ilaat eqqissiveqaratik ilinniartitsinermut malinnaasinnaassanatik, ilinniartitsisorpassuillu ajornartorsiut kisimiillutik pigisarpaat, qanorlu iliuusissaminnik nalornisarlutik. Meeqqat atuarfianni nalilersuinermi tamakku erserput.

Tassani ilinniartitsisut PPR-imilu sulisut uparuartorpaat, ilinniartitsisut ilinniarnerminni
 meeqqat immikkut pisariaqartitsisut pillugit ilinniakkamikkut amigaateqartut.

Ilinniartitsisorpassuit meeqqat atuarfiannik nalilersuinerminni oqaluttuarput, sulinerminni piffissarujussuaq meeqqanut eqqissiveqanngitsunut atortarlugu, soorlu aamma ersersinneqartoq kalaallit meerartaat sumiginnagaasartut naapertuilluanngitsuliorfigineqartartullu, tamatumalu atuarfimmit immikkut iliuuseriffigineqartariaqarnera malunnarluinnartoq.

Kisimiittutut misigisarneq

Akerlianit meeqqat pisariaqartitaat naapertorlugit tapersersorneqarnissaannut aningaasassaqartinneqanngillat, tamatumalu kingunerisaanik ilinniartitsisorpassuit misigisimasarput ajornartorsiutit kisimik pigalugit.

- Taamaattumik aamma assut paasinartarpoq, aqutsisorpassuit ilinniartitsisorpassuillu pakatsissutigisarmassuk, ilinniartitsineq illersorneqarsinnaasumik ingerlanneqarsinnaasanngimmat, inuuniarnikkut ajornartorsiuterpassuit qaangerniarneqaqqaartartussaammata, tamanna meeqqat atuarfiannik nalilersuinerup inerniliuppaa.

Aamma atuaruk Qulaarpaa Meeqqat Atuarfiannik naliliinerup ajoquterpassuit qulaarpai

Aamma atuaruk Qulaarpaa Atuartut ataasiakkaat qitiutinneqanngitsut

Isummersuutit


 

Pages