Qulaarpaa Meeqqat Atuarfiannik naliliinerup ajoquterpassuit qulaarpai
Meeqqat atuarfiinik annertuumik naliliisitsisoqarmat ullumi saqqummersinneqartumi qulaajarneqarpoq meeqqat atuarfianni atuartut 2003-ili Atuarfitsiliammik taaneqarsimasumi atuartuusut maanna naammasereersimalersut angusaat naammaginaanngeqisut. Apeqqutigineqarsinnaavorli ajoqutaa suunersoq?
Nalilersuinermi assuarineqartut arlaqarput, aaqqitassanillu siunnersuutigineqartut aamma arlaqarlutik.
Assersuutigalugu, naliliinermi saqqummersinneqarpoq, meeqqat atuarfiinut tunngasuni politikkikkut, aaqqissuussaanikkut perorsaanernullu tunngasutigut Kommunit qaqitsiniarnerminnut ajornartorsiuteqarput. Nalilersuisitsinermilu siunnersuutigineqarpoq pitsaangerpaaq anguneqassappat perorsaariaatsimut tunngasuni ineriartortitsinermut akisussaaneq nunatsinni arlaanni ataatsimoortinneqassasoq.
Saniatigut aamma ilinniartitsisut imminnut suleqatigiinnerup iluani ajortumik ingerlanerat naliliinermi erserpoq, aamma aqutsisut ilinniartitsisulli akorngini attaveqaqatigiinneq ajortoq. Angajoqqaat peqataanngippallaartut, angajoqqaalli isornartorsiueqisut atuartitsinermi amigaataasut annertuut isiginiaraat, aamma atuartitsinissarpassuit amerlasuut unitsiinnarneqartarnerat maalaarutigigaat.
Maluginiarnarnerpaavorli, meeqqat atuarfii pillugit inatsimmi kukkussutinik imaluuniit naleqquttoqannginnera naliiliisinneqartut amerlaqisut maluginiagaqarsimanngimmata.
Taamaattumik nalilersuisitsinermi ersersinneqarpoq, meeqqat atuarfeqarfiini sanngeequterpassuarnik peqaraluartoq, inatsisitigut anguniarneqartut naammassineqarnissaat ajornakusoortinneqarnerat tassunga atalluinnartoq.
Meeqqallu atuarfiat pillugu inatsimmut isornartorsiuisoqanngikkaluartoq, nalilersuinermi naqissuserneqarpoq imaanngilaq inatsit sanngeequteqanngitsoq, inatsilli naapertorlugu ullut tamaasa sulisut sanngeequtinik takunnissinnaanerat ajornakusoorsinnaasartoq naliliinerup takutippaa.
