Meeqqat siunnersuisoqatigiivi pillugit isumaqatigiinngillat

Meeqqat illersuisuannik aamma Meeqqat pillugit Siunnersuisoqatigiinnik naalakkersuisut inatsisissatut siunnersuutaat inatsisartut ilaqutariinnermut ataatsimiititaliaanit tikilluaqquneqarpoq.

Inatsisissatut siunnnersuutip siunertaraa meeqqat pisinnaatitaaffiisa inuiaqatigiinnilu soqutigisaasa siuarsarneqarnissaat, taamaliortoqassaarlu meeqqat pisinnaatitaaffii pillugit suliffeqarfimmik Namminersorlutik Oqartussat ataanni politikkimut attuumassuteqanngitsumik pilersitsinikkut.

Politikkikkut attuumassuteqanngitsumik suliffeqarfiliorniarneq inatsisissatut siunnersuummi qulakkeerneqanngitsoq, Ilaqutariinnermut ataatsimiititaliaq isumaqarpoq.

Naalakkersuisut namminneerlutik meeqqat illersuisuannik toqqaanissaat ataatsimiititaliamit iluarineqanngilaq.

Inatsisissatut siunnersuummi ilanngunneqarpoq, meeqqat illersuisuat Naalakkersuisunit soraarsinneqarsinnaasoq, inatsisissatullu siunnersuummi tamatuma peerneqarnissaa ataatsimiititaliamit piumasarineqarpoq.

Meeqqat pillugit siunnersuisooqatigiinni ilaasortat kikkut ilaasortaanissaannik Naalakkersuisut aalajangiisinnanerat ataatsimiititaliani illuatungiliuttut ilaasortaanit tapersersorneqanngilaq.

Inatsisissatut siunnersuummi ilanngunneqartut arlaqartut ataatsimiititaliami ilaasortanit isumaqatigineqanngillat.

Inatsisissatut siunnersuut taamatut isikkoqarluni piviusunngorpat meeqqqat inuusuttullut pillugit ilisimasanik katersuivik MIPI atorunnaarsinneqassaaq, suliffeqarfinngortussallu ataani inissisimalissalluni, tamannalu Atassutip aamma Siumup ataatsimiititaliami ilaasortaatitaanit iluarineqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat