Meeqqat sinniisui: Meeqqat juullimi sumiginnarnagit
Juullip qanilliartornerani meeqqat amerlasuut toqqissisimaneq ajorput sumiginnarneqartarlutillu.
Sumiginnaaneq toqqissisimannginerlu
- December qaammataavoq nuannaarfik eqqissisimaarfillu, kisiannili aamma qaammataalluni julefrokosterfiusoq allanillu aaqqissuussiffiusoq imigassartalinnik. Decemberi juullilu imigassamik akoqaraangat meeqqanut amerlasuunut toqqissisimannginnerujussuarmik sumiginnangaanermillu kinguneqarsinnaasarpoq.
Politikkikkut Meeqqat sinniisaat talllimat partiimut sorlermut attaveqarnertik apeqqutaatinnagu taama oqariartuuteqarput, taakkua qanittumi ataatsimoorussamik isumaqatigiipput politikkikkut suliniarnerminni meeqqat pisinnaatitaaffii salliutinniarlugit.
Meeqqat sinniisaat inersimasunut tamanut eqqaasitsissutiginiarpaat imigassaq qanoq sunniuteqarsinnaasoq eqqaamaqqullugulu juulli meeqqanik inuusuttunillu nuannaartunik asaneqartunillu imaqartussaammat.
Meeqqat sinniisuisa - meeqqat, inuusuttut inersimasullu - tamarmik nuannersumik toqqissisimanartumillu juullisiorluarnissaannik kissaappaat.