Meeqqat Rigshospitalemiittut pajuppaat
Kalaallit meeqqat Danmarkimi Rigshospitalemi uninngasut, ullumi tupaallatsinneqaqalutik kalaallit angutit assammik arsartartut nunarsuarmi unammineranni tujuuluaraannik pajunneqarput.
-Meeqqat nuannaajattorujussuupput, pilersaarutaanngittumik taamannak pajunneqarnertik qiimmaallaatigivaat, Kalaallit Nunanni Assammik Arsartartut Kattuffianni siulittaasoq, Palle Jeremiassen oqarpoq.
Kalaallit angutit Tysklandimi assammik arsarlutik nunarsuarmi pissartanngorniunneranni tujuuluaraat sinneqartut tunniunneqarput.
- Kattuffimmi siulersuisullu isumaqatigiissimavugut, meeqqat rigshospitalimi uninngasut, Kalaallit Nunanniittutulli nuannaaqataassasut, taamaasillutalu tujuuluaqqanik pajuppagut, Palle Jeremiassen oqarpoq.
Meeqqat ullumi tujuuluarannattut quliupput.