WHO: Meeqqat pualarujussuartut 124 millioniupput
Meeqqanik inuusuttuaqqanillu 130 millioninik misissuinerit tunngavigalugit ilisimatuut misissuinerit 240-t sinnerlugit misissuiffigisimavaat.
Misissuinerlu taanna, atuagassiami ataqqisaasumi The Lancetimi saqqummersinneqartoq tunngavigalugu, meeqqat nunarsuaq tamakkerlugu pualarujussuartutut nalilerneqartut maanna 124 millioniussasoraat. Meeqqallu 123 millionit pualavallaartutut nalilerneqarput.
Amerliartorfiunerpaallu tassaapput nunat siuarsarniakkat Kinatut Indiatullu ittut maanna ineriartorfiulersimasut.
- Nerisassat peqqinnartut ilaqutariinnut inuiaqatigiinnullu akisuallaarnerisa qanoq kingunerannik ersersitsivoq, ilisimatuut nalunaarusioqataasut ilaat, Majid Ezzati, taama oqarpoq.
Ezzatip nunarsuarmi nunat tamaasa suliniuteqaqquai meeqqat nerisassanut peqqinnanngitsunut sukkoqarpallaartunut illersorumallugit.
WHO-p aamma erseqqissaatigaa meeqqat aalanerusariaqartut sapinngisamillu sivikinnerpaamik qarasaasiap saavani issiasassasut.
/ritzau/AFP /ritzau/AFP
