Meeqqat pinnguartut ataataasoq imminut toqunniaraluarpoq

Aasianni inersimasorpassuit sapaatip akunnerata kingulliup naanerani erngussimapput, tamannalu meeqqat annikilliornerannik kinguneqarpoq; meeqqat pingasut arsaarinissutigineqarsimapput meeqqallu katillugit aqqanillit, angajoqqaavisa aalakoorpallaarnerat pissutigalugu angerlarsimaffimminniit qimarngunneqartariaqarsimallutik.
marsip 03-at 2008 10:54

-Malunnaatilimmik erngunnerujussuaqarsimavoq, ernguttullu inuusuttuinnaanngillat, aammali inersimasut ilaqutallit, Aasiaat politiivini pisortaq, Gert Jakobsen oqarpoq.

Kangaatsiami ilaqutariit ittuat aalakoorluni aallaammik imminut toqunniarsimagaluarpoq, politiilli apuummata angut artulereersimavoq, qaliani meeraat pingasut pinnguartut, arnaat aalakoorpallaaqimmat meeqqat qimarngunneqarsimapput.

Gert Jakobsenip oqaasii naapertorlugit qangali meeqqanik arsaarinninnermik kinguneqartumik misigisaqarsimapput, sapaatimmi akunnerini qulit 15-illu akorngini meeqqanik arsaarinnittariaqarnikuunngilagut, maannakkullu ullut marlussuit ingerlaneranni pingasut arsaarinnissutaallutik. Kisiannili sapaatip akunnerata naanera aalakkuffiusimaqisoq, Aasianni politiit naalagaat, Gert Jakobsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq