Meeqqat pillugit arpapput
Danmarkimi Red Barnetp immikkoortortaqarfiata aaqqissuussaanik Ravnsholt Skovimi Sjællandip avannaani ippassaq arpatsitsisoqarmat sunngiffimminni arpattartut 42-t peqataapput.
Allattoq Louise M. Kleemann
Aningaasat katersorneqartut Kalaallit Nunaanni meeqqanut sumiginnakkanut atorneqassapput.
Red Barnetimi siulittaasup Kirsten Duep aaqqissuussineq naammagisimaarpa.
- Amerlanerit peqataanissaat neriuutigisimasinnaagaluarparput, kisianni sila siallersukasiugaluartoq peqataasut nuannisarput, Kirsten Due Frederiksborg Amts Aviisimut oqarpoq.
Aningaasat arpatsitsinermi katersorneqartut 2.500 koruuniupput.