Meeqqat kontotaartinneqarput
Naalakkersuisut meerartatsinnut ileqqaaruteqartitsisalerput, meeqqallu tamarmik Grønlandsbankimi kontotaartinneqarput, kontonullu tamanut 1000 koruunit ikineqareersut, Namminersornerullutik Oqartussat nalunaarput.
Namminersornerullutik Oqartussat meeqqanut allakkaminni ima allapput:
- Illit atinni pilersinneqartumik Grønlandsbankimi meeqqap ileqqaarutaanik kontotaartinneqarputit aningaasallu 1.000 koruunit siulliit ikineqareerput. Aningaasat 18-inik ukioqaleruit tigusinnaalissavatit.
Ataasiakkaat eqqaassanngikkaanni meeqqat inuusuttuaqqallu ukioqanngitsuniit 18-inut ukiullit kontotaartinneqarput, Akileraartarnermullu Pisortaqarfik meeqqanut allakkanik paasissutissiissutinik meeqqanut tamanut qanittumi nassiussuissasoq, pisortaqarfimmiut allapput.
Ukioq manna 18-ileereersimasut ileqqaakkat tigunissaannut periarfissaqarput, aningaasalli siunertanut aalajangersimasunut atugassiissutaammata tigutinnagit siunertat pineqartut ilaannut atorniarnerat pillugu immersuiffissaq Akileraartarnermut Pisortaqarfiup immikkoortortaani imaluunnit kommunep saaffiginnittarfiani akilerartarnermulluunniit Pisortaqarfiup nittartagaani uani:
www.akipi.gl-imi aaneqarsinnaavoq.
