Meeqqat Katuami Juullerujussuarmi filmeriaqquneqarput
Nuummiuaqqat 40-t juullerujussuarmi Katuami filmeriaqquneqartussanngorput. Filmeriaqquneqartussat immikkut qaaqqusat allat 70-it peqatigalugit, filmi "Hinnarik Sinnattunilu" takuteqqaarneqarneqalerpat isiginnaaqataasussanngorput.
Filmiliortut tassaasut Tumit Production qaaqqusisuupput. Meeqqat qaaqquneqartussat tassaassapput Matu-meersut, Mælkebøtten-imeersullu. Filmernerup saniatigut meeqqat Hinnarimmik plakaatinik atsioneranillu aamma tunineqassapput.
Hinnariusaartoq, Angajo Lennert-Sandgreen kiisalu Tumit Productions Naalakkersuisunit qiimmassaammik nersornaasigaareersullu, meeqqat filmeriaqquneqarsinnaanngorput.
- Qiimmassaaserneqarnerput nuannaarutigeqaarput, taamaammat allat nuannaartikkusuummeratsigik. Juullimimi tunniussuisarpugut, tamannalu puigortariaqanngilarput, Angajo Lennert-Sandgreen qaaqqusissutimini taama allappoq.
