Meeqqat kaattut paqumiginagit oqaluuserissavagut
Qaasuitsup kommunnea innutaasunik ataatsimiititsinermik aaqqissuisuuvoq ataatsimiinnernilu innutaasut siunnersuusiorput qanoq iliorluni meeqqat kaattut pinaveersaartinneqarsinnaanersut. Qaasuitsup kommunalbestyrelseani Demokraatit sinnerlugit ilaasortaq Ane Lone Bagger meeqqat inuunerissut pillugit suliniuteqarsimasoq neriuppoq innutaasunik ataatsimiititsineq iluaqutaajumaartoq meeqqallu kaattut oqaluuserineqartarnerat paqumiginagit oqaluuserineqartassasut.
“Qangali isiginnginngitsuusaarneqarsimasut isigineqalernerat iluartorujuuvoq” Ane Lone Bagger oqarpoq. Innutaasunik ataatsimiititsineq suleriaqqinnissamut iluaqutaanissaa Ane Lone Bagger naatsorsuutigaa, neriullunilu isummanik tuniorarneqarluarumaarluni. Inuit qanimut tikillugit oqaluullugit iluassaaq , tusagassiuutitigut taamaallaat pinnani, neriuutigaalu pissarsiaqarluarumaarluni. Kisitsisit saqqummiunneqartut kingulliit takutippaat ajornartorsiuteqartugut meeqqanik katassimasatsinnik tammakualu tigusariaqarpagut paqumiginagit oqaluuseralugillu Ane Lone Bagger oqarpoq. Ilulissani seqinnarilluni silagikkaluaqisoq innutaasut 40-it ataatsimiinnermi ualimut marlunut ingerlanneqartumi peqataapput.
