Kultureqarnermut Naalakkersuisup Kalaallit Atuakkiortut peqatigalugit qinnuteqaatit nalilersorlugillu akuersissuteqarfigaat.
Atuakkat amerlasuut saqqummersinneqassamaarnerat naalakkersuisunit nuannaarutigineqarpoq, ajuusaarutigaalli meeqqanut inuusuttunut kiisalu oqaluttualianik atuakkiorniartunik qinnuteqartut ikimmata. Kultureqarnermut naalakkersuisoqarfiup Kalaallit Atuakkiortut atuakkanillu saqqummersitsisarfiit peqatigalugit oqallisiginiarpaat kalaallisut atuakkiat qanoq iliorluni amerlineqarsinnaanerat pingaartumik atuartartut inuussunnerusut eqqarsaatigalugit.
Atuakkat saqqummersinneqartussat tapiiffigineqartut ilaatigut tassaapput: ”Savaatileeqqqap Takorluugai,” ”Sofiannguaq Lund”-ip atuakkiaa Atuakkiorfik aqqutigalugu, aammalu Hansigne Lyberthip allagai Hans Larsen-imit aaqqissorneqarsimasoq, aammalu Steinsdottir Thorgersddotir peqatigalugu atuakkiaat taagutilik ”Kiammi Nanoq nerisarpaa”.