Meeqqat inuunerissuni suleqataasut naalakkersuisut suliaat naammaginngilaat

Meeqqat inuunerinnerunissaat anguniarlugu suleqatigiit imminut ”Meeqqat inuunerissumik” taasimasut sapaatip akunnerata siuliani akerliussutitsimik takutitsinermut aaqqissuipput. Akerliussutitsisoqareermat Naalakkersuisut siulittaasuat Hans Enoksen, aaqqissuisut naapeqatigai. Meeqqat inuunerissuni suleqataasoq Aviaja Lennert Heilmann Hans Enoksen naappeqatigereerlugu naammaginninngisimaarilluni ima oqarpoq.
novembarip 20-at 2007 14:07

- Hans Enoksen gruppiulluta naappeqatigereerlugu, misigisimanngilagut angusaqarsimalluta, Aviaja Lennert Heilmann oqarpoq.

Suut anguniarpisigit?

- Meeqqat siunissami ajunngitsumik inuuneqalernissaat akunnerminillu naligiinnerulernissaat anguniarparput. Illoqarfimmiugunik nunaqarfimmiuugunilluuniit assigiinerusumik inuuneqalernissaat. Taavalu atornerlugaasartut ikiorneqarnerunissaat, atornerluisimasullu pillagaareernerminni katsorsarneqartarnissaat anguniarparput, Aviaja Lennert Heilmann oqarpoq.

Namminersornerullutik Oqartussat kiisalu suleqatigiit Meqqat inuunerissut anguniagaat allakkatigut takullugu assigiitorujussuuput.

Anguniagartik assigiipata sooq Namminersornerullutik Oqartussat suliaanik uparuartuiinassappat?

- Oqareernitsitut Namminersornerullutik Oqartussat anguniagaqarput aamma ajunngitsunik. Kisiat naammanngillat. Suli takusinnaavagut meeqqat atugarliortut arlaqartut. Uani suliniaqatigiinnitsinni meeqqat atugarissaarnerunissaat anguniarparput, Aviaja Lennert Heilmann naggasiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq