Meeqqat innarluutillit immikkut ikiorserneqarput
![](/sites/default/files/styles/image_934x467/public/article_images/anonymt_barn.jpg?itok=h0rvzRFd)
Peroriartornermik misinnaatilimmik innaarluutilimmut, tassa autismemik innarluutilimmut angajoqqaajulluni unamminartorujussuuvoq. Ineriartornerminik innarluutilimmut Infantil autismemik taaneqartartumut nukappiaqqamut 13-nik ukiulimmut anaanaasoq KNR-imut taama oqaluttuarpoq.
Nukappiaraq innarluuteqartoq paasineqarmalli ukiut siulliit amerlasuut piffissani arlalinni tapersersortinik ilinniarsimasumik isumaginnittutullu sullissisut taarseraannerujussuat ajornartorsiutaasarsimapput.
Kommuneqarfik Sermersuumiilu aaqqissuusseqqipput, meeqqanut innarluutilinnut immikkut isumaginnittumik sullissisoqalerneratigut.
Ajornartorsiut
Aallaqqaammullu nukappiaqqap angajoqqaavisa ernermik peroriartornermini innarluuteqarnera akueriniarsarisimavaat. Taassuma saniatigut unammillernartumik allamik misigisariaqarsimavaat, taannalu kommunimit tapersiinerup iluaniippoq:
- Sagsbehandlerit (isumaginnittutut sullissisut, aaqq.) paarlakaannikuunerujussui ajornartorsiutiginikooqaarput. Taavalu aalajangersimasumik tapersersorteqarnissaa aamma ajornakusoornikuuvoq. Børnehavemi paarlakaannikuupput, Sidse Høy oqarpoq.
Aaqqiissuteqarput
Isumaginnittut sullissinerisa allanngortinneqarneratigut Kommuneqarfik Sermersuup ajornartorsiut aaqqiivigaa. Meeqqat innarluutillit immikkut ittumik ullumikkut sullinneqartalernikuummata.
- Siornali sullissinerput allanngortinnikuuarput pitsanngorsarniarlugu, imaaliorluta meeqqat innarluutilittut nalunaarsorsimasut immikkut sullissisoqalertillugit taavalu sullissisut ataatsimik ilallugit, Arnajaraq Poulsen aalajangiisartoqarfimmi pisortaagallartoq oqarpoq.
Sidse Høyillu oqaluttuaraa, tapersersortimik ajornartorsiut maanna nukappiaraatertik ukiuni kingullerni aalaakkaasumik tapersersorteqalernikuuneranit aaqqinneqarnikuummat.
Kommuneqarfik Sermersuumi misinnaatilimmik innarluutillit aqqaneq-marluk sullitarineqarput.